Një ndërprerje e konfliktit në Ukrainë mund të jetë afër, deklaroi kryeministri polak Donald Tusk pas një bisede që pati me presidentin ukrainas Volodymyr Zelensky.
Presidenti rus Vladimir Putin dhe Presidenti i amerikan Donald Trump do të takohen në ditët në vijim, njoftoi dje Kremlini, ndërsa Trump kërkon një përparim të rëndësishëm për t’i dhënë fund luftës në Ukrainë, e cila tani është në vitin e saj të katërt.
“Ka disa indikacione, dhe kemi një parandjenjë, se ndoshta një ngrirje e konfliktit, nuk dua të them fundi, por një “ngrirje” e konfliktit, është më afër sesa më larg. Ka shpresa”, tha Tusk në një konferencë për mediat.
Tusk tha se Zelensky ishte shumë i kujdesshëm, por optimist dhe se Ukraina donte që Polonia dhe vendet e tjera europiane të luanin një rol në planifikimin e një armëpushimi dhe një zgjidhjeje përfundimtare paqeje.
Polonia, një shtet anëtar i NATO-s, ka qenë një mbështetëse e fortë e Ukrainës që kur Putini dërgoi mijëra trupa në vend në shkurt 2022, duke përmendur kërcënime për sigurinë ruse dhe duke i zhytur marrëdhëniet e Moskës me Perëndimin në një krizë të thellë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
