Presidenti amerikan, Donald Trump, ka kërcënuar Iranin me “vdekje, zjarr dhe tërbim” nëse vazhdon të bllokojë rrugët e transportit të naftës në Lindjen e Mesme, shkruan Sky News.
Në një konferencë për shtyp në Florida të hënën, Trump tha se Irani do të përballet me sulme të mëtejshme nëse bllokada vazhdon, pasi çmimet e naftës kanë arritur nivelin më të lartë në katër vjet.
Trump theksoi se Shtetet e Bashkuara të Amerikës do ta godasin Iranin “njëzet herë më fuqishëm” dhe se do të shkatërrojnë objektiva që, sipas tij, do ta bënin “praktikisht të pamundur që Irani të rindërtohet ndonjëherë”.
“Nëse Irani bën diçka që ndalon rrjedhën e naftës nëpër Ngushtica e Hormuzit, ai do të goditet nga SHBA njëzet herë më fort sesa është goditur deri më tani. Përveç kësaj, ne do të shkatërrojmë objektiva lehtësisht të goditshëm që do ta bëjnë praktikisht të pamundur që Irani të rindërtohet ndonjëherë si komb – vdekja, zjarri dhe tërbimi do të mbretërojnë mbi ta. Por shpresoj dhe lutem që kjo të mos ndodhë. Kjo është një dhuratë nga SHBA për Kinën dhe për të gjitha vendet që përdorin shumë Ngushticën e Hormuzit. Shpresojmë që të vlerësohet si një gjest i rëndësishëm,” tha ai.
Ndërkohë, Garda Revolucionare e Iranit ka deklaruar se vendet arabe dhe evropiane do të lejohen të kalojnë nëpër Ngushticën e Hormuzit nga e marta, me kusht që të dëbojnë ambasadorët e SHBA-së dhe të Izraelit nga territori i tyre.
Irani pothuajse ka ndalur lëvizjen e naftës përmes Ngushticës së Hormuzit, një nga rrugët më të rëndësishme tregtare në botë, pas sulmeve amerikano-izraelite të kryera 10 ditë më parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
