Administrata e Trump po shqyrton taktika të reja për të nxitur ndryshimin e regjimit në Kubë, përfshirë vendosjen e një bllokade të plotë ndaj importeve të naftës, thanë të enjten tre persona të njohur me planin për “Politico”.
Ky përshkallëzim është kërkuar nga disa kritikë të qeverisë kubane brenda administratës dhe është mbështetur nga Sekretari i Shtetit Marco Rubio.
Ende nuk është marrë asnjë vendim nëse kjo masë do të miratohet, por ajo mund të jetë pjesë e një pakete veprimesh të mundshme që do t’i paraqiten Presidentit Donald Trump për të detyruar fundin e qeverisë komuniste të Kubës, thane burimet.
Ndalimi i dërgesave të naftës bruto drejt ishullit do të përbënte një përshkallëzim, krahasuar me deklaratën e Trump javën e kaluar se SHBA do të ndalonte importet e naftës së Kubës nga Venezuela, e cila ka qenë furnizuesi kryesor i naftës bruto për vendin.
Por, sipas të tre personave, brenda administratës po zhvillohen debate të vazhdueshme nëse është vërtet e nevojshme të shkohet kaq larg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
