Sipas Ministrisë së Shëndetit Publik në Liban, të paktën dy persona kanë humbur jetën dhe 10 të tjerë janë plagosur si pasojë e sulmeve ajrore izraelite në jug të vendit.
Ngjarja ndodhi në qytetin Nabatieh al-Fawqa, bëri të ditur ministria në një deklaratë të publikuar të premten në mëngjes.
Një ditë më parë, autoritetet shëndetësore raportuan se sulmet izraelite në disa zona të distriktit Nabatieh kishin shkaktuar të paktën 14 viktima. Situata në rajon mbetet e tensionuar, pavarësisht zgjatjes së armëpushimit.
Gjatë kësaj periudhe, Izraeli dhe grupi Hezbollah, i mbështetur nga Irani, kanë vijuar shkëmbimin e sulmeve, duke rritur shqetësimet për një përshkallëzim të mëtejshëm të konfliktit në jug të Libanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
