Një episod i ri dhune ka tronditur Ekuadorin dhe ka prekur botën e sportit. Futbollisti Mario Pineida, mbrojtës i Barcelona Sporting Club, u vra pasditen e së mërkurës në një sulm të armatosur në lagjen Samanes 4, në veri të Guayaquil.
Sipas raportimit nga gazeta ekuadoriane El Universo, sulmi ndodhi rreth orës 16:30 pasdite sipas orës lokale jashtë një dyqani kasapi.
Persona të armatosur hapën zjarr ndaj dy personave, Pineida vdiq menjëherë, ndërsa një tjetër u plagos.
Policia rrethoi zonën dhe nisi një hetim, ndërsa Ministria e Brendshme konfirmoi zyrtarisht se viktima është lojtari i Barcelona SC.
Pineida, 33 vjeç, ishte një mbrojtës i majtë i provuar, me përvojë në klube të ndryshme në ligën ekuadoriane dhe gjithashtu ndeshje për ekipin kombëtar.
Në një deklaratë, Barcelona SC shprehu ngushëllimet e saj të thella, duke u bërë thirrje tifozëve dhe publikut të bashkohen në lutje për lojtarin dhe familjen e tij.
Vrasja ngjall alarmin mbi përshkallëzimin në rritje të dhunës që ka përfshirë vendin në muajt e fundit, me incidente gjithnjë e më të shpeshta që synojnë figurat publike dhe atletët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
