Kryeministri izraelit Benjamin Netanjahu ka sugjeruar se një “embargo” e pjesshme amerikane për armët nën drejtimin e ish-presidentit amerikan Joe Biden kontribuoi në vdekjen e ushtarëve gjatë luftës me Hamasin.
Vërejtjet shkaktuan reagime të zemëruara nga zyrtarët e epokës së Biden, të cilët e akuzuan Netanjahun për mosmirënjohje.
Duke folur në një konferencë për shtyp të martën, Netanjahu tha se Izraeli pagoi "çmim shumë të lartë" pas fillimit të luftës në Gaza në tetor 2023 dhe argumentoi se "në një fazë të caktuar nuk kishim municion të mjaftueshëm".
Pa e përmendur Bidenin me emër, ai tha se “heronjtë ranë” sepse u mungonte ajo që u nevojitej dhe se “një pjesë e asaj municioni të munguar ishte për shkak të embargos”.
Në këtë frymë, Netanjahu tha se përvoja përforcoi idenë e tij për të ndërtuar një industri më të fortë të mbrojtjes vendase për të siguruar "pavarësi maksimale" në mënyrë që Izraeli të mos "mbetet pa armë ose municione".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
