Një ekip shkencëtarësh turq ka zbuluar një pyll të madh koralesh në Detin Egje, në zonën mes Gökçeadës dhe ishullit Samothrake, gjatë një hulumtimi të realizuar me anijen kërkimore "R/V TÜDAV-Maru" dhe me përdorimin e gjashtë robotëve të telekomanduar dhe sistemeve të avancuara të imazherisë nënujore.
Sipas presidentit të TÜDAV, Prof. Dr. Bayram Öztürk, komunitetet e koraleve shtrihen nga rreth 70 deri në 120 metra thellësi, ndërsa pylli i zbuluar zë një sipërfaqe prej mbi 2 kilometrash dhe mund të vazhdojë edhe në thellësi më të mëdha.
Ai theksoi se bëhet fjalë për zbulimin më të madh të këtij lloji në Detin Egje, si në brigjet turke ashtu edhe në ato greke. Koraleve të zbuluara u përkasin specieve të buta gorgoniane, të njohura për biodiversitetin e lartë që mbështesin.
Studiuesit konstatuan se ekosistemi është në gjendje të mirë dhe pa shenja dëmtimi nga ndryshimet klimatike. Hulumtimet do të vazhdojnë gjatë vjeshtës për të përcaktuar shtrirjen e plotë të pyllit të koraleve dhe për të studiuar më tej biodiversitetin dhe veçoritë gjeologjike të zonës.
Ne zbritëm në një thellësi prej afërsisht 88 metrash me mjetin tonë nënujor. Në studimet pasuese, arritëm deri në 98 metra. Ne fotografuam koralet dhe komunitetet koralore në këto thellësi në detaje. Ne morëm imazhe që mund të jenë ndër të dhënat më të thella të koraleve në Turqi. Patëm mundësinë të shqyrtojmë dhe regjistrojmë pyjet koralore që njohim me mjetin tonë nënujor.
Gönülal deklaroi se imazhet e marra dhe të dhënat e mbledhura do të kontribuojnë në përcaktimin e strukturës, biodiversitetit dhe zonës së shpërndarjes së komuniteteve koralore në rajon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
