Administrata e Donald Trump pritet që ta lidhë përdorimin e ilaçit të njohur Tylenol, i njohur si paracetamol në vende të tjera të botës, nga gratë shtatzëna me një rrezik autizmi, në kundërshtim me udhëzimet mjekësore.
Zyrtarët e Trump pritet gjithashtu të njoftojnë gjatë ditës së hënë, një përpjekje për të eksploruar se si ilaçi leukovorin mund të trajtojë potencialisht autizmin, sipas raportimit të Washington Post, të botuar të dielën, i cili citoi katër burime me njohuri për planet që folën në kushte anonimiteti sepse njoftimi nuk ishte bërë.
Udhëzimet mjekësore thonë se është e sigurt që gratë shtatzëna të marrin Tylenol, ilaçin pa recetë kundër dhimbjeve, përbërësi aktiv i të cilit njihet si acetaminofen në SHBA dhe paracetamol në vende të tjera të botës.
Trump e ngacmoi njoftimin gjatë ceremonisë përkujtimore për aktivistin konservator Charlie Kirk të dielën, duke i thënë turmës: “Mendoj se gjetëm një përgjigje për autizmin”.
Të shtunën, Trump tha se njoftimi i planifikuar do të ishte një nga gjërat më të rëndësishme që do të bëhet.
Më herët në fillim të muajit, Wall Street Journal raportoi se sekretari i shëndetësisë i Trump, Robert F Kennedy Jr, planifikonte të njoftonte se përdorimi i Tylenol nga gratë shtatzëna ishte potencialisht i lidhur me çrregullimin e spektrit të autizmit, i cili përkufizohet si një gjendje neurozhvillimore e shënuar nga vështirësi sociale, si dhe në komunikim, dhe sjellje që janë përsëritëse.
Siç raportoi Post, disa prova mjekësore që përfshijnë administrimin e leukovorinës tek fëmijët me autizëm kanë treguar atë që disa shkencëtarë e përshkruajnë si përmirësime të jashtëzakonshme në aftësinë e tyre për të folur dhe për të kuptuar të tjerët, megjithëse këto prova konsiderohen të hershme.
Kennedy ka pohuar se SHBA-të janë në kthetrat e një “epidemi autizmi” të nxitur nga “toksinat mjedisore”.
Dekada të tëra kërkimesh nuk kanë dhënë përgjigje të sakta mbi atë që kontribuon në autizëm, por shumë shkencëtarë besojnë se gjenetika, potencialisht në kombinim me ndikimet mjedisore, luan një rol.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
