Bazilika Sagrada Familia e Barcelonës u bë kisha më e lartë në botë, pasi një vinç pozicionoi pjesën e parë të kullës në majën e saj.
The Guardian raporton se kryevepra e arkitektit Antoni Gaudi qëndron 162.91 metra mbi qytet, duke tejkaluar majën e Katedrales së Ulmit në Gjermani, e cila arrin 161.53 metra.
Por Sagrada Familia do të vazhdojë të ngrihet.
Kulla qendrore e Jezu Krishtit, e cila qëndron në majë të kishës, do të arrijë 172 metra kur të përfundojë në muajt në vijim.
Guri i themelit i Sagrada Familia u vendos në vitin 1882, dhe kur vdiq Gaudi, vetëm një nga kullat e saj ishte përfunduar. Puna është përshpejtuar në dekadat e fundit, pasi bazilika është bërë një atraksion i madh turistik ndërkombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
