Komisioni Europian ka vendosur një gjobë prej 200 milionë eurosh ndaj platformës kineze Temu, pasi nuk respektoi detyrimet për të kufizuar shitjen e produkteve të paligjshme nga shitës të tretë në faqen e saj.
Sipas hetimeve, në platformë janë gjetur produkte të rrezikshme, si lodra për foshnja dhe karikues elektrikë që nuk përmbushin standardet europiane të sigurisë.
Temu, që i përket kompanisë kineze Pinduoduo, ishte nën hetim nga Komisioni Europian që prej tetorit 2024 në kuadër të Aktit për Shërbimet Digjitale (DSA), ligji europian që rregullon platformat e mëdha online.
Autoritetet europiane deklaruan se platformat digjitale duhet të marrin masa konkrete për të parandaluar shitjen e produkteve të paligjshme dhe të pasigurta për konsumatorët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
