Qeveria australiane ka njoftuar se do të dyfishojë gjobat ndaj platformave të mediave sociale që anashkalojnë vendimin për përdorimin nga fëmijët nën moshën 16 vjeç.
Sipas legjislacionit të ri, gjoba maksimale për shkelje të përsëritura të rregullave do të arrijë në 99 milionë dollarë australianë, ose gati 60 milionë euro.
Po ashtu, autoriteti australian për mbikëqyrjen e sektorit dixhital do të pajiset me kompetenca më të gjera për të kufizuar veprimtarinë e platformave që nuk respektojnë ligjin.
Qeveria bëri të ditur se rregullatori australian po heton aktualisht shkelje të mundshme nga platformat Facebook, Instagram, Snapchat, TikTok dhe YouTube lidhur me zbatimin e këtyre rregullave.
Masat e reja synojnë të frenojnë mashtrimet dhe përpjekjet për të anashkaluar ndalimin e rrjeteve sociale për përdoruesit nën moshën 16-vjeçare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
