Autoritetet indoneziane po kërkojnë për një aeroplan të vogël me 11 persona në bord që u zhduk mbi pjesën lindore të vendit, thanë zyrtarët e shpëtimit për AFP.
Aeroplani, në pronësi të linjës ajrore Indonesia Air Transport, ishte nisur për në Makassar, South Sulawesi, pasi u ngrit nga Yogyakarta, në ishullin Java, me tre pasagjerë dhe një ekuipazh prej tetë anëtarësh.
Kreu i agjencisë lokale të kërkim-shpëtimit, Muhammad Arif Anwar, tha se vendndodhja e fundit e avionit u regjistrua në një zonë malore në distriktin Maros, rreth 42 kilometra nga kryeqyteti i provincës Makassar.
Forcat ajrore, policia dhe vullnetarët po marrin pjesë në kërkimet tokësore dhe ajrore, shtohet më tej.
Andy Sultan, drejtori i operacioneve të shërbimit të kërkim-shpëtimit në Makassar, sqaroi se një helikopter dhe një dron janë dërguar në zonë për të gjetur avionin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
