Izraeli ka ndarë informacione të reja inteligjence me Shtetet e Bashkuara që tregojnë një komplot të ri iranian për të vrarë Presidentin Donald Trump, sipas burimeve të njohura me çështjen.
Wall Street Journal raporton se ky informacion shënon një përshkallëzim të luftës midis Uashingtonit dhe Iranit.
Për vite me radhë, shkruan gazeta amerikane, Irani është zotuar hapur se do të hakmerret ndaj Trump për vrasjen e Qassem Soleimani, një gjeneral i lartë në Trupat e Gardës Revolucionare Islamike, e cila ndodhi gjatë mandatit të parë të presidentit.
Duke folur me gazetarët në Ankara të Turqisë, të mërkurën, Trump iu referua kërcënimeve ndaj jetës së tij.
Ata duan të eliminojnë udhëheqësin e Shteteve të Bashkuara, që jam unë. Unë jam në çdo listë. Pashë këtë mëngjes se jam në secilën prej tyre. Dhe deri më tani, mendoj se kam qenë pak me fat, por ndoshta kjo nuk do të zgjasë shumë.
Javët e fundit, marrëdhëniet midis Trump dhe kryeministrit izraelit Benjamin Netanyahu janë përkeqësuar për shkak të dallimeve në interesa mbi vazhdimin e luftës me Iranin.
Netanyahu ka argumentuar për nevojën për të vazhduar sulmet ndaj Iranit dhe për të arritur objektiva të mëtejshme ushtarake. Trump ka kërkuar një rrugëdalje nga konflikti, duke përmendur shqetësimet se ai mund të rrëzojë ekonominë globale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
