Organizata Botërore Meteorologjike (OBM) ka paralajmëruar se fenomeni klimatik El Nino mund të rikthehet së shpejti, duke rritur temperaturat globale dhe duke sjellë më shumë ngjarje ekstreme të motit.
Sipas parashikimeve, ka 80% mundësi që El Nino të zhvillohet para shtatorit dhe 90% që të vazhdojë deri në nëntor.
Shumica e modeleve klimatike tregojnë se fenomeni do të jetë të paktën me intensitet mesatar, ndërsa disa shkencëtarë paralajmërojnë se mund të jetë ndër më të fortët e këtij shekulli.
Sekretari i Përgjithshëm i OKB-së, Antonio Guterres, tha se bota duhet ta trajtojë si paralajmërimin urgjent për klimën.
Kushtet e El Ninos do të hedhin benzinë në zjarrin e një bote që po ngrohet. Ndikimet do të godasin edhe më fort, do të përhapen edhe më larg dhe do të kalojnë kufijtë me një shpejtësi shkatërruese.
OBM paralajmëron se tre muajt e ardhshëm mund të sjellin temperatura jashtëzakonisht të larta në shumicën e rajoneve të botës, si dhe një rritje të rrezikut për përmbytje dhe thatësira.
Ekspertët theksojnë se El Nino mund të ndikojë edhe në prodhimin ushqimor global. Gareth Redmond-King nga ECIU e cilësoi situatën si “lajme të këqija” për sigurinë ushqimore.
Kërdia që El Nino do të shkaktojë, pasi ka të ngjarë të sjellë një tjetër vit më të nxehtë, në vitin 2027, do të jetë shkatërruese për shumë fermerë dhe një çështje jete a vdekjeje për shumë njerëz.
Në përfundim, Guterres bëri thirrje për veprim më të shpejtë ndaj krizës klimatike.
E vetmja përgjigje efektive është veprimi për klimën i barabartë me krizën dhënia fund e varësisë nga lëndët djegëse fosile, përshpejtimi i kalimit në burime të rinovueshme, mbrojtja e më të prekshmëve dhe ofrimi i sistemeve të paralajmërimit të hershëm për të gjithë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
