Aktivistët e liruar nga paraburgimi izraelit, të ndaluar gjatë një flotiljeje që synonte të dërgonte ndihma humanitare në Gaza, kanë ngritur akuza për abuzim gjatë ndalimit të tyre.
Sipas organizatorëve të “Global Sumud Flotilla”, disa prej të ndaluarve janë shtruar në spital me lëndime, ndërsa të paktën 15 persona kanë raportuar sulme seksuale, përfshirë edhe përdhunim.
Shërbimi i burgjeve të Izraelit i ka mohuar fuqishëm këto pretendime, duke deklaruar se të gjithë të paraburgosurit janë trajtuar në përputhje me ligjin dhe nën kujdesin e stafit mjekësor dhe profesional.
Autoritetet izraelite nuk kanë dhënë detaje shtesë, ndërsa Reuters raporton se nuk ka mundur t’i verifikojë në mënyrë të pavarur akuzat.
Sipas organizatorëve, 430 aktivistë u ndaluan nga forcat izraelite në 50 anije në ujëra ndërkombëtare, duke ndaluar përpjekjen për dërgimin e ndihmave në Rripin e Gazës.
Disa qeveri evropiane kanë reaguar duke kërkuar sqarime dhe duke shprehur shqetësim për trajtimin e shtetasve të tyre, ndërsa në Itali dhe vende të tjera po hetohen akuza të mundshme për krime gjatë ndalimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
