Aktori amerikan Vincent Pastore, i cili luajti rolin e gangsterit të shndërruar në informator Salvatore “Big Pussy” Bonpensiero në serialin “The Sopranos”, është ndarë nga jeta në moshën 80 vjeç.
Vincent Pastore u gjet i vdekur të shtunën në shtëpinë e tij në Bronx, New York. Menaxheri i tij, Robert Attermann, e konfirmoi lajmin për AFP, pa dhënë detaje të mëtejshme rreth vdekjes së tij.
I parë shpesh si gangster, për një kohë të shkurtër në filmat “Goodfellas” të Martin Scorsese dhe “Carlito’s Way” të Brian De Palma, ai njihet më së miri për rolin e “Big Pussy”, krahut të djathtë të gangsterit Tony Soprano, i cili më vonë u bë informator i FBI-së pasi u arrestua nga policia federale.
Vrasja e tij në fund të sezonit të dytë nga 6 nga ish-bashkëpunëtorët e tij është një nga skenat më ikonike të serialit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
