Analisti Sadri Ramabaja, vendosjen e tarifave të reja doganore ndaj vendeve me të cilat SHBA ka marrëdhënie tregtare, përfshirë Shqipërinë, Kosovën dhe Bashkimin Europian, e cilëson si paralajmërim të mundshëm për shkrirjen e NATO-s.

Duke folur për “MCN Live” ai deklaroi se mandati i dytë i Donald Trump mund të shkojë në histori si një epokë e veçantë, pasi SHBA përball vlerat transatlantike se cenohet një prej shtyllave kryesore të këtyre raporteve, tregtinë e lirë.

Po ecim drejt një përplasje të re që na kthen në prag të luftës së dytë botërore, gjendja është jashtëzakonisht alarmante, pavarësisht se Trump e proklamoi si çlirimi i Amerikës.

Shenjat e para atje do të jenë se brenda javës, do të rëndohet edhe jetesa e çdo qytetari të lirë, pasi do të ketë rritje çmimesh.

Tashmë deklarata e Trump se më shumë na kanë dëmtuar miqtë se sa armiqtë, është perceptuar si një shok i mirëfilltë.

Ndaj Von Der Leyen, ka paralajmëruar masa të reja që shkojnë te 18 miliardë, në fushën e tarifave shtesë që do vendosë Bashkimi Europian.

Kemi një garë mes dy partnerëve kryesorë, se BE tregun amerikan e kishte partnerin numër 1.

Ndërsa tashmë do të detyrohen të gjejnë partnerë te fuqi të reja, India, Brazili dhe vende të tjera. Dhe partneriteti në fusha të reja do të kërkohet në këtë drejtim.

Gradualisht tërhiqet guri nga ngrehina e partnerit 70 vjeçar. Dhe gradualisht mund të nisë shpërbërja e NATO-s.

Çfarë do e mbajë të lidhur BE me SHBA? Praktikisht asgjë! Mund të shkohet edhe te shuarja e NATO-s. Atë që nuk e arriti Millosheviçi, e arriti Putini.

Kjo do të thotë se po hyjmë në rendin e ri të paralajmëruar, por me një shpejtësi marramendëse.

Niveli i importit dhe eksportit në vitin 2022 kishte shënuar ngritje të lartë si për Shqipërinë dhe Kosovën.

Por për 2023-2024 ka importe dhe eksporte relativisht më shumë. Por importi dhe eksport me dy vendet tona është simbolik për interesat amerikane.

Ne kemi eksportuar dyshekë nga Kosova, pastaj me prodhime të tjera bujqësore.

Por në mënyrë indirekte do të preket ekonomia shqiptare e dy vendeve tona.

Për shkak të tarifave me partnerët tonë europianë, se ekonomia është e lidhur.