Fizioterapisti Ervin Kapaj flet për problemet ortopedike te foshnja, lindjen me gjymtyrë të pabarabartë dhe deformimet e këmbëve tek fëmijët.

Në emisionin “Zgjohu me MCN”, ai deklaroi se fëmijës nuk i bëhen matjet pa u ngritur ende në këmbë, kur dhe bëhet monitorimi i këmbëve, gjunjëve dhe legenit.

Duhet t’i japim kohë fëmijës që të zhvillohet, normalisht duhet mbajtur nën kontroll te specialisti. Nuk duhet të nxitojmë të vendosim shtresat e këmbëve. Duhet pritur deri në 5 vjeç.

Tjetër gjë është kur ka muskuj spazmatik apo të ngurtë. Kur lindin të gjithë fëmijët i kanë këmbët e sheshta dhe muskujt e tendinat janë akoma të sheshta, ne duhet të japim kohë të reagojmë.

Duhet ta fiksojmë që nuk jemi perfekt dhe as simetrik. Mbas moshës 5-vjeçare, mund të vendoset shtresa apo shualli i këmbës. Por shtresa nuk e korrigjon, por nuk lejon të ketë deformime.

Ajo që e korrigjon është ecja dhe plazhi në rërë. Nëse shikojmë një kohë të harkuar apo sheshtë, nuk ndërhyhet menjëherë, më pas në rreth moshës 10-vjeçare, bëhet konsulta me mjekun dhe mund të bëhet ndërhyrja kirurgjikale për tu korrigjuar.

Rëndësi ka aktiviteti fizik, lëvizja. Këshilloj atë sport që mund të bëhet me qejf dhe dëshirë.

Rrethi për tu ngritur në këmbë nuk është i këshillueshëm. Është shumë më mirë ecja me këmbë dhe dorë.

Ushtrimet që e vënë këmbën në funksion, çojnë në funksionin e saj.

Rëra është e butë dhe e çrregullt dhe sa më shumë vihet në punë, aq më shumë forcojmë muskujt.