Presidenti amerikan Donald Trump nis sfidën ndaj tregtisë globale, duke shpallur një emergjencë kombëtare për të reduktuar defiçitin tregtare dhe shpall tarifa 10% për të gjitha vendet dhe tarifa reciproke për 60 “më të këqijat”, ato me disbalancat më të mëdha tregtare me Shtetet e Bashkuara. Për Evropën tarifat do të jenë 20%, për Kinën 34% dhe për Britaninë e Madhe 10%.

Por SHBA do t’i vendosin tarifë 10% edhe produkteve që vijnë nga Shqipëria dhe Kosova.

Është dita e çlirimit, dita në të cilën ne rimarrim të ardhmen tonë, një nga më të rëndësishmet në histori.

Ne do t'i bëjmë të tjerët të paguajnë atë që na taksojnë.

Reciprocitet do të thotë që ne do t’u bëjmë të tjerëve atë që na bëjnë neve, është shumë e thjeshtë.

Trump deklaroi të mërkurën se SHBA do t’i tatojë shtetet e tjera gjysmën e asaj që e taksojnë duke dhënë shembullin e Bashkimit Evropian.

BE-ja na detyron të paguajmë 39% dhe ne do të vendosim detyrime prej 20%.

Për Izraelin tarifat do të jenë 17%, për Brazilin 10%.

“E gjithë bota na ka grabitur për 50 vjet, por nuk do të ndodhë më kurrë. Kjo do të jetë epoka e artë e Amerikës. Ne do të imponojmë”, shtoi ai, duke kujtuar se tarifat reciproke do të shoqërohen me tarifa 25% për të gjitha makinat e importuara.