Presidenti i SHBA Donald Trump shpalli sot një tarifë universale me "bazë" 10 për qind për importet në SHBA, në atë që ai e konsideroi si "Dita e çlirimit". 

Shefi i Shtëpisë së Bardhë bëri me dije se tarifa ndaj BE-së do të jetë 20 për qind dhe 10 për qind ndaj Mbretërisë së Bashkuar. 

Vlen për t'u theksuar se do të ketë një tarifë prej 25 për qind për të gjitha automjetet që importohen nga jashtë në SHBA. 

Trump e konsideroi këtë një "epokë të artë" për Amerikën dhe thotë se është koha që SHBA "të përparojë".

Presidenti po sulmon partnerët kryesorë tregtarë Kanadanë dhe Meksikën, duke thënë se praktikat e tyre tregtare janë "jo të drejta".