Avokati Erion Begaj thotë se marrëveshja Shqipëri-Itali për emigrantët nuk e ka jetën të gjatë. Në studion e MCN, ai u shpreh se lëvizja e fundit e kryeministres Meloni është më shumë një taktikë për të dalë nga debati që hapi marrëveshja.

Duke pasur një konflikt të hershëm mes drejtësisë dhe politikës italiane, drejtësia nuk i ka quajtur të ligjshme këto lloj transferimesh. Meloni ia doli të gjejë një lloj daljeje duke i konvertuar këto kampe në qendra të identifikimit, që nuk janë gjë tjetër veçse qendra pritjeje. Është një gjethe fiku për të dalë nga situata. Qendra të tilla ka plot në Itali.

Këto qendra tashmë e kanë humbur logjikën e tyre. Kjo tregon se kjo marrëveshje vështirë të ketë jetë të gjatë. Do të kthehet në një zvarritje që nxjerr Melonin nga debati për këto qendra dhe kostot e tyre.