Analisti Frrok Çupi e cilëson si papjekuri sulmin e kryebashkiakut të arrestuar të Tiranës, Erion Veliaj, ndaj prokurorit të çështjes Olsi Dado.

Duke folur për “MCN Live”, ai tha se sulmi i Veliajt ishte i kotë dhe i papranueshëm, duke shtuar gjithashtu se burgu e kalon njeriun në një psikozë tjetër.

Atë gjë që bëri Erion Veliaj nuk kishte pse ta bënte, ishte e kotë, e papranueshme. Dhe pse e bëri thoni ju? Jam i sigurt se ishin gjëra personale, si të rrëfehesh te prifti.

Cila është arsyeja? Unë di një gjë nga jurispudenca, se i burgosuri kthehet në një psikozë krejt tjetër, nuk është më ai që ishte.

Jo vetëm Erioni, kushdo tjetër që është në kolonat e drejtësisë. Padyshim që ishte papjekuri, panjohuri.

Vendosja para drejtësisë është një gjë shumë e veçantë dhe Veliaj nuk arriti ta mbante të drejtën për vete, por ia kaloi prokurorit, nuk është normale të bëhet kjo gjë.

Unë kam besim se qëndrimi ka rënduar te procesi i tij dhe askund tjetër.

Një nga shkaqet mund të jenë dhe avokatët pa eksperiencë, por mes gjithë këtyre elementëve duhet ta gjejmë pse ndodhi ajo që ndodhi.

Nuk kishte asnjë arsye, asnjë mundësi, asnjë të drejtë, i burgosuri ka dy të drejta që s’i kanë të tjerët, e para të mos flasë dhe e dyta të gënjejë.

Dhe të shkosh të thuash, të bësh hartime dhe gjëra të tilla të papranueshme para prokurorit do të thotë të jesh pa eksperiencë, se nuk e njeh drejtësinë.

Politikanë që entuziazmohen dhe shpërthejnë ashtu nuk janë formuar akoma si politikanë, çfarë kolegë.

Ishte një shenjë jo vetëm papjekurie, por për të lëshuar një fjalë që jemi shokë është jashtë çdo logjike.

Gjithë pjesa tjetër shpresoj të mos ketë gabuar Veliaj, por pjesa tjetër është etike.

Por nga ana tjetër kjo nuk do të thotë se kemi një prokuror të ndershëm.