Florian Pullazi, kandidat për deputet tha në studion e MCN Live se në listën e PS-së nuk flitet më për emra dhe se 37 kandidatë luftojnë për të maksimalizuar votën për Partinë Socialiste.

Jam i sigurt që nuk ka një orientim politik nga drejtuesit e PS-së për emra të caktuar, për të dhënë mbështetje të caktuar në persona të caktuar.

PS ka 100 mijë anëtarë dhe çdo drejtues politik, qoftë dhe nga maja e piramidës detyra është të orientojmë strukturën për të maksimalizuar rezultatet e PS. Këtu nuk flitet më për emra, kjo listë është e barabartë ndërmjet 37 emrash.

Këto zgjedhje kanë nxjerrë një veçori të mirë, janë 37 vetë në territor.  37 kandidatë të PS-së luftojnë për të maksimalizuar votën e PS. Unë jam një nga ata, dhe nuk përkrah njërin apo tjetrin, Unë përkrah emrin tim dhe bëj fushatën për PS për të maksimalizuar votën e PS-së.