Analisti Denis Dyrnjaja urdhrin e Gjykatës së Posaçme ndaj SPAK që të nisë hetim ndaj ish-ministres Olta Xhaçka dhe bashkëshortit të saj, Artan Gaçi, e vlerëson pozitivisht prej faktit që gjykata pak nga pak po bëhet aktor kryesor.

Nga studio e “MCN Live”, ai deklaroi se politika ditore i sheh ngjarjet me ngjyra, ku dikë e merr nën sqetull dhe dikë tjetër jo.

Sipas tij, shëndeti politik i Partisë Socialiste është i sëmurë rëndë me ngarkesat e korrupsionit dhe se para se ta pastrojë SPAK, është mirë që ta bëjë Edi Rama.

Më vjen mirë që gjykata po bëhet pak e nga pak aktori kryesor, pasi duket sikur ia kemi vënë gjithë kandarin e drejtësisë SPAK, por në SPAK është vetëm njëri nga kandarët e drejtësisë.

Është një ndër 2-3 rastet që gjykata ka ndërhyrë ta shtyjë rastin në proces hetimor, më vjen mirë që po rritet pesha dhe autoriteti i rolit të gjykatës, pasi SPAK vetëm inicion hetimet dhe mbledh prova për ti çuar në gjykatë.

Do të doja të forcohej sa më shumë gjykata, që të kishim republikën e gjykatave dhe jo të prokurorëve.

Çështjen e ka iniciuar ndërkohë Fredi Beleri i cili ka pasur vetë një raport përplasje me drejtësinë shqiptare, i cili ka thënë se nuk kishte besim që çështja do ndiqej.

Kemi ish-kryebashkakun e Himarës, Jorgo Goro i cili ndodhet pas hekurave, i takon prokurorisë të thyejë këtë mosbesim të Belerit.

Se politika ditore i sheh ngjarjet me ngjyra, dikë e merr nën sqetull dhe dikë jo.

Goditja e Veliajt i vuri palët përballë, Ramën përballë prokurorisë e cila ngriti akuzën dhe e gjithë brigada e PS u hodh në mbrojtje të Veliajt.

Rama ndryshon qëndrim të gjithë dalin blof, i fundit që bëri kthesë është Etjen Xhafaj.

Fillimisht mbrohen disa, disa lëshohen dhe kjo histori duhet të marrë fund në kuptimin jo politik por ligjor, gjykata dhe prokuroria duhet të merren në mënyrë sistematike me cilindo politikan qoftë vetëm kështu ndërtohet standardi i drejtësisë.

Nëse Xhaçkën e marrin nën sqetull, ndodh që krijohen dyshime se kush është i privilegjuar dhe kemi drejtësi me disa standarde.

Partia Socialiste ka 12 vjet në pushtet dhe janë të vetëdijshëm se e kanë bërë kënetën e tyre. Nëse këneta e Berishës është vegjetim politik, këneta e Ramës është e korrupsionit gjigant.

Sot që flasim në proceset e vendimmarrjes, Korporata Shqiptare e Investimeve po bën masakra me dhënien e pronave shtetërore.

Oligarkët kanë marrë lugën dhe garuzhdën në brez dhe ku ka prona publike o burra ti rrëmbejmë. Atëherë a është ky objekt i SPAK?

Gjasat janë, dyshimet dhe e shkuara që kemi na çojnë në pikëpyetje të mëdha se po përdoren pronat publike për të mbushur xhepat e oligarkëve.

Po bëhet nami në sektorin e lojërave të fatit, miliarda lekë.

Kam informacion se do jetë dhe aty, ka një komision të dhënies së licencave që nuk funksionon.

Nuk funksionon sepse investohet nga tregu i zi. Do dalin përgjegjësit? Patjetër.

SPAK duhet të hetojë korrupsionin dhe te lojërat e fatit. 

Sa i takon tezës së Kryeministrit Edi Rama për integrimin në Bashkimin Europian, ai e sheh si butafori politike.

Ti mendon se Rama e ka seriozisht këtë punën e BE? E gjithë kjo është një butafori politike.

Nëse fiton çdo forcë tjetër politike, përfshirë nga PD, mendon se nuk do vazhdojë procesi i negociatave me BE?

Çdo forcë politike e ka detyrim parësor politik, vazhdimin e negociatave. Ai është një rrugëtim politik.

Ne nuk i plotësojmë kushtet dhe standardet që nga demokracia që nuk ekziston, që nga institucionet e pavarura që janë inefiçente dhe në gjumë total.

Ku e ke Avokatin e Popullit? Kontrolli i Lartë i Shtetit bën kontrolle, por nuk janë të zëshme.

Pse duhet të presim raportin e KLSH që miliarda euro janë dëmet e shkaktuara nga buxheti i shtetit.

Ky është shteti që kërkohet me standarde dhe besueshmëri.