Dritan Çaka, anëtar i komisionit rregullator KQZ tha përmes një lidhje “Skype” me studion e MCN Live se ka nisur printimi i fletëve të votimit për diasporën dhe se nga data 12 prill do të nisë shpërndarja e tyre.

Në këto momente ka nisur, sot mund të jetë dita e parë që ka nisur printimi i fletëve të votimit të votuesve nga jashtë. Sot java këto fletë votimi mund të jetë në ambientet e KQZ për të mundësuar procesimin e tyre dhe dërgimin tek zgjedhësi që ndodhet jashtë territorit. Ky proces do të realizohet nëpërmjet shërbimit postar. Nga ana tjetër në KQZ janë marrë masa dhe operatori i shërbimit postar që do bëjë të mundur një proces të tillë,  është zgjedhur një operator ndërkombëtar siç është DHL-ja dhe besoj se rreth datës 12 prill mund të jetë nisja nga Shqipëria e zarfeve të parë që përmbajnë fletën e votimit për zgjedhësit që janë regjistruar.

Çaka tregoi si do të funksionojë procesi i dorëzimit të fletëve tek qytetarët:

Pasi merret nga operatori fleta e Dritanit që ndodhet në Itali, ky shërbim postar duke qenë se është ndërkombëtar dhe privat do t’ ia dërgojë linjës së ti që ka në Itali. Në Itali, por edhe në të gjitha vendet e botës është marrë përsipër që dërgesa të çohet brenda 3 ditëve nga momenti që është marrë në dorëzim nga KQZ-ja. Ndërkohë  personi që është zgjedhës dhe do i bëhet dërgimi i zarfit, duhet që ky person të jetë personalisht dhe ta marrë këtë zarf që përmban dokumentacion zgjedhor. Nuk mund të lihet as në kuti postare të përbashkëta.

Nga operatori është marrë përsipër që dërgesa të çohet Brenda 3 ditëve që është marrë.

Ka të drejtë të bëjë 3 tentativa në orë dhe ditë të ndryshme për t’ia  mundësuar dorëzimin e dokumentacionit zgjedhor. Nuk është e mundur të behët përmes telefonit, se numri i telefonit nuk është pjesë e informacionit që është kërkuar. Nuk funksionon kështu shërbimi postar sidomos në vende të ndryshme të botë.