MC Networking

Shpërthimi në Tiranë, dyshime për aktivitet kriminal të djalit dhe nipit të të zotit të shtëpisë (VIDEO)

Zbulohen detaje të reja nga shpërthimi me lëndë plasëse të ndodhur në një banesë në Tiranë gjatë mesnatës së lënë pas.

Shpërthimi u shënua rreth orës 00:35 minuta, në rrugën “Besnik Hidri”, në zonën e njohur si Bregu i Lumit në derën e jashtme të banesës së shtetasit Tonin Qafa, duke shkaktuar vetëm dëme materiale.

Gazetari Besmir Pula raportoi për “MCN Live” se pista kryesore është ajo e hakmarrjes ku po hetohet aktiviteti i njërit djalë të Tonin Qafës dhe nipit të tij në Spanjë dhe Gjermani.

Tonin Qafa jetonte prej vitesh në Amerikë dhe vetëm muajt e fundit ishte kthyer në Shqipëri.

Madje në vitin në vitin 2009 Tonin Qafës i është vrarë i vëllai.

Por pista kryesore ku po heton policia është ndonjë konflikt i mundshëm i djalit dhe nipit të tij, të cilët dyshohet se janë të përfshirë në trafik droge.

Ndërkohë një nip tjetër i Tonin Qafës ndodhet në burg në Gjermani.

Nga ana e policisë është bërë këqyrja e kamerave të sigurisë të bizneseve përreth, ku në një prej tyre shihen dy persona të maskuar, të cilët nuk janë identifikuar.

Autorët e dyshuar kanë ikur në këmbë drejt zonës së Bregut të Lumit.

  • Comments

0 Comments:

Copyright © 2015 MCN TV Të gjitha të drejtat e rezervuara
Dizenjuar dhe Programuar nga MCN
Scroll to Top