Logopedi Erges Eskiu thotë se vit pas viti është rritur ndërgjegjësimi dhe kontrolli i prindërve për fëmijët në rast se ka autizëm.

Nga studio e “Zgjohu me MCN” ai deklaroi se ka raste që vijnë prindër me fëmijë 8 muajsh dhe thonë nuk po flet, por sipas tij shqetësuese situata bëhet pas moshës 3-vjeçare

Ngatërresa më e madhe është te bilingualizmi, me teknologjinë kalon shokun virtual dhe nuk ndjen nevojën për shoqëri tjetër, krijon një lloj autizmi funksional.

Por duhet një periudhë tre mujore të merresh për ta diagnostikuar. Në momentin që kemi probleme me komunikimin, duhet të shohim nëse fëmija ka ndërveprim social.

Nëse ka ndërveprim social, atëherë nuk kemi të bëjmë me autizëm. Në momentin që nuk ka sjellje të përsëritura nuk ka autizëm.

Shoku virtual i mbivendoset vonesës gjuhësore.

Telefoni nuk e ndihmon fëmijën të socializohet, qëndron para ekranit, por ekrani ka bërë që edhe studentët që diplomohen koeficienti i inteligjencës është të vijë në ulje.

Kempi që jepet për fëmijët është shumë i ulët, pasi shërbimet në strukturat shtetërore janë të pakta dhe kostot e terapive janë rritur dhe kempi nuk e mbulon, duke krijuar një vështirësi më të madhe ekonomike.

Fëmijët me ekonomi të dobët, janë më të dëmtuarit.