Një ngjarje tragjike ka ndodhur dje në Tiranë, ku Azbi Spahiu, një specialist i Qarkullimit Rrugor, ka rënë nga kati i shtatë i një pallati. Spahiu, pak ditë më parë, kishte arrestuar djalin e Samir Manes, pasi ky i fundit ishte i dehur dhe shkaktoi një aksident me disa makina.

Gazetarja Klodiana Lala, e ftuar në "Të Paekspozuarit" në MCN TV, ka komentuar se para se të kryente aktin e hedhjes, Spahiu kishte dërguar një mesazh të birit, duke pretenduar se po shantazhohej nga brenda strukturave të policisë.

Ajo ka shtuar se Azbi Spahiu ishte thirrur nga zyrtarë të AMP-së për të sqaruar arsyet e arrestimit të djalit të Samir Manes dhe se, në kushte presioni, ai kishte shkruar mesazh për birin e tij, duke u ankuar se po i shkatërronin karrierën.

Azbi Spahiu është thirrur nga zyrtarë të AMP-së dhe i është kërkuar llogari se pse është arrestuar i të birit të Samir Manes. Gjendur ne kushte presioni, ai i ka shkruajtur mesazh të birit duke ngritur pretendimin s epo i shkatërronin karrierën brenda strukturave te policisë dhe më pas ka kryer aktin, që për fat të mirë ka mbijetuar edhe pse është hedhur nga ajo lartësi.

Unë nuk dua të hyj diskutimeve nëse arrestimi apo shoqërimi i Mratin Manes, lidhet me pasojën e hedhjes së punonjësit të policisë por di tu them se kjo është një çështje që duhet hetuar. Nëse i riu ka qenë i alkoolizuar duhet ti bëhej testi edhe pse nuk ka pranuar, nëse do të ishte bërë testi, dhe do ishte provuar, situata do ishte krejt ndryshe.

Kush e shantazhoi punonjësin e policisë dhe për çfarë arsye? kjo është pyetja që do përgjigje.