Sfidë e ashpër për Mac Allister

 Pas fitimit të Botërorit të Katarit me Argjentinën , Alexis Mac Allister është përfshirë në planet e disa ekipeve të rëndësishme .

Në kontinentin e vjetër do të zhvillohet një sfidë e ashpër për mesfushorin , lajm i cili i ka bërë drejtuesit e Brightonit të fërkojnë duart.

Manchester City , Atletico Madridi dhe Liverpooli tanimë i kanë trokitur në derë 24 vjeçarit , një ndër më determinantët e Lionel Scalonit gjatë këtij evenimenti , të cilin kombëtarja ‘’ Albiceleste ‘’ e fitoi me shumë meritë.

 ‘’ The Citiziens ‘’ janë koshientë për potencialin e ishi-t të Boca Juniorsit , lojtar që po zhvillon një sezon për tu mbajtur mend.

Për sa i përket spanjollëve, problemet si në aspektin sportiv ashtu edhe në atë ekonomik vijojnë të marrin fokusin kryesor dhe prej kohësh Alexis Mac Allister konsiderohet një vlerë e shtuar në mesfushë nga ‘’ El Cholo ‘’.

Edhe ‘’ The Redsat ‘’ pak a shumë janë në të njëjtën situatë me ‘’ Los Rojiblancos ‘’ , të cilët morën një leksion në ndeshjen e parë të 1/8-tave kundër Real Madridit në ‘’ Anfield Road ‘’ dhe pritej reagimi i menjëhershëm i Jurgen Klopp .

Gjermani ka mbetur i pakënaqur me performancën e të tijëve dhe sipas gazetarit të ‘ Relevos ‘ Matteo  Moretto Liverpooli do të tentojë firmosjen me lojtarin nga Pampa gjatë merkatos së verës.