Eksperienca e Endrick tek Real Madrid sa vjen edhe po vështirësohet.
Mungesa e minutave vijon ta shqetësojë sulmuesin i cili gjithsesi premton shumë për të ardhmen.
20 vjeçari tanimë pretendohet nga Roma, kontrata e të cilit me ‘’ Galaktikët ‘’ përfundon në 2030-tën.
Duhet kujtuar se ishi i Palmeiras nuk u aktivizua në ndeshjen kundër Interit, e vlefshme për Champions Leaguen dhe në atë kundër Rayo Vallecanos.
Që nga momenti i veshjes së bluzës së ‘’ Los Blancos ‘’ amerikano-jugori numëron 40 sfida dhe 4 gola por mungesa e minutave mund t’ia hapë dyert e largimit nga ‘’ Santiago Bernabeu ‘’.
Ndërkohë drejtori sportiv i ‘’ Verdhekuqve ‘’ Tony D’Amico po e studion formulën për arritjen e marrëveshjes gjatë merkatos së dimrit.
Endrick edhe pse nuk e ka gjetur dot veten tek ‘’ Los Merengues ‘’ mbetet një element tejet cilësor në metrat e fundit, ndër talentët më të spikatur në Amerikën e Jugut.
Por s’mbaron me kaq sepse për yllin e ofensivës kanë shfaqur interes edhe Liverpooli bashkë me Milanin, kandidatë të cilët mund ti vënë në vështirësi ish fituesit e Conference Leagues nën drejtimin e Jose Mourinhos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
