Për javën që presim përpara vendi ynë do të ndikohet nga kushte atmosferike kryesisht të paqëndrueshme. Kjo situatë vjen si pasojë e “mbërthimit” të disa qendrave të presionit të ulët pozicionuara për të gjithë javën mbi rajonin e pellgut të Mesdheut.
Në këtë mënyrë duke filluar që nga dita e hënë moti parashikohet me vranësira mesatare deri të dendura por edhe alternime të herëpashershme me diell, kthjellime.
Në momentin e vranësirave të dendura; reshje shiu me intensitet deri mesatar në formën e shtrëngatave por hera-herës, lokalisht dhe në periudha afatshkurtra rrebeshe shoqëruar me shkarkesa elektrike dhe breshër.
Shërbimi Meteorologjik Ushtarak njofton se dita e martë parashikohet kryesisht me diell e vranësira kalimtare deri të dendura por edhe reshje shiu të dobëta dhe lokale kryesisht në orët e mbrëmjes.
Më pas duke filluar nga dita e mërkurë deri në fund të javës, ditët e enjte dhe e premte, moti parashikohet me alternime kthjellimesh dhe vranësirash deri të dendura.
Reshje shiu të herëpashershme me intensitet deri mesatar në formën e shtrëngatave. Përsëri reshjet për këto ditë në periudha afatshkurtra do të jenë në formën e rrebesheve shoqëruar me shkarkesa elektrike dhe breshër.
Në zonën e Alpeve por edhe në relievet e tjera të larta malore të vendit në lartësitë mbi 1000 metër parashikohen reshje dëbore kryesisht me intensitet të ulët por lokalisht edhe mesatare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
