Në kuadër të 555-vjetorit të vdekjes së Skënderbeut, sot Muzeu Historik Kombëtar hap ekspozitën me titull “Gjergj Kastrioti-Skënderbeu - kalorësi i lirisë së shqiptarëve”.
Me anë të faksimileve, gravurave të autorëve të ndryshëm dhe portreteve, vizitorët do të njihen me fragmente të jetës dhe betejave të Heroit Kombëtar të shqiptarëve, Gjergj Kastriotit-Skënderbeut, i cili ishte përfaqësuesi më konsekuent dhe më i shquar i elitës drejtuese arbërore, që udhëhoqi me vendosmëri frontin e luftës së shqiptarëve kundër Perandorisë Osmane.
Ekspozita hapet prej orës 11, në sallën e Ekspozitave në Muzeun Historik Kombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
