Denoncohet si i zhdukur 78-vjeçari, dyshohet të jetë mbytur në Seman

Një shtetas 78-vjeçar është denoncuar si i zhdukur në Fier. I moshuari kishte dalë për peshkim të martën, por nuk u kthye më në shtëpi.

Dyshohet se ai mund të jetë mbytur në Seman.

Në njoftimin e Policisë thuhet:

Në Komisariatin e Policisë Fier ka bërë kallëzim shtetasi A. Xh., 41 vjeç, banues në Fier, se babai i tij, shtetasi N. Xh., 78 vjeç, më datë 24.01.2023 ka dalë nga shtëpia për peshkim  dhe nuk është kthyer më. Nga hetimet e kryera, dyshohet se 78-vjeçari mund të jetë mbytur në det, në plazhin e Semanit. Vijojnë kërkimet për gjetjen e 78-vjeçarit”.