Inxhinieri Dorjan Osmanaj thotë se është i domosdoshëm rimienaxhimi i gjithë ujësjellësve në vend. Në MCN Economy, Osmanaj tha se amortizimi i skajshëm i sistemit bëhet shkak për humbje në sasi më të mëdha se konsumi për të cilin paguhet.
Uji rri shumë gjatë në depozita. Duhen parë pikat e dobëta të sistemit: humbjet në rrjet. Thonë se janë 64%, pra është tejet i amortizuar.
Në çdo moment që ndërtohet një rrugë, duhet rinovuar rrjeti i ujësjellësit, duke marrë në konsideratë numrin e banorëve. Për të rritur eficiencë. Bovilla si kapacitet e mbulon Tiranën, por keqmenaxhimi dhe amortizimi i sistemit kanë çuar në këtë gjendje.
Sipas Osmanajt, hapi i parë të realizuar një model të ri funksionimi të ujësjellësve është rishikimi i stafeve. Ai tha se struktura është fryrë, duke rritur shpenzimet dhe pa u reflektuar në rritjen e cilësisë së shërbimit.
Hapi i parë duhet të jetë shfryrja e stafit. 8900 punonjës. Shihni nëse ndodh një defekt në rrjet, duhen orë për ta rregulluar, pra nuk ka efektivitet.
Më shumë është çështje menaxhimi. Ujësjellësit bëhen si top ping-pongu. Shumë ujësjellës janë në nivel falimenti. Bashkia e Kavajës është vetë në faliment, rrjedhimisht edhe ujësjellësi atje.
Zgjidhja është rimenaxhimi i gjithë ujësjellësit. Duhet parë sa funksionalë janë dikasteret. Ujësjellësi e ka rritur tarifën kundrejt qytetarëve, por nuk ka dhënë përmirësimin që ne prisnim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
