Kurti: Njohja de facto e Kosovës nga Serbia, pjesë e planit europian

Kryeministri Albin Kurti, në fjalën e mbajtur në Kuvend deklaroi se njohja de facto e Kosovës nga Serbia, pjesë e planit franko-gjerman.

“Njohja de juro e Serbisë është e qartë, nuk është në mënyrë eksplicite e thënë aty, por është ajo de facto. Ama është pjesë sekuenciale e planit”, ka thënë Kurti.

Duke iu përgjigjur akuzave të deputetëve të opozitës, Kurti tha se marrëveshja Prishtinë-Beograd duhet ta ketë njohjen reciproke në qendër.

“Unë mund të flas si kryeministër i Kosovës. SHBA e ka ambasadorin në Kosovë. E ka Departamentin e Shtetit që mund t’i shpalosin qëndrimet. Unë nuk mund të përgjigjem për këtë sepse qartazi tjetër kush i formulon dhe i mban ato qëndrime. Marrëveshja me Serbinë varet prej diskutimeve dhe ajo duhet ta ketë njohjen reciproke në qendër. Komunikoni më shpesh me kryetarin e partisë suaj të cilit ja kam treguar propozimin”, ka thënë ai.