Autoritetet në Australi thonë se kanë gjetur një kapsulë radioaktive e cila u zhduk javën e kaluar.
Shërbimet e urgjencës kishin "gjetur gjilpërën në kashtë", thanë autoritetet në Australinë Perëndimore.
Një kërkim i madh u shkaktua kur objekti humbi ndërsa po transportohej përgjatë një rruge 1,400 km (870 milje) nëpër Australinë Perëndimore.
Gjigandi i minierave Rio Tinto kërkoi falje për humbjen e pajisjes, e cila mund të kishte paraqitur një rrezik serioz.
Kapsula, e cila është 6 mm (0,24 inç) në diametër dhe 8 mm e gjatë, përmban një sasi të vogël të Caesium-137, i cili mund të shkaktojë dëmtim të lëkurës, djegie ose sëmundje nga rrezatimi.
Shërbimet e urgjencës përdorën pajisje të specializuara duke përfshirë detektorë rrezatimi gjatë kërkimit të tyre.
Pajisja po përdorej në një minierë në rajonin e largët Kimberley. Rio Tinto kishte premtuar më parë se do të nisë një hetim për atë që kishte ndodhur.
Një person në një rreze prej pesë metrash mund të digjet ose kontaminohet nëse bie në kontakt me mini kapsulën radioaktive.
Aksidenti ndodhi disa javë më parë në një rrugë të largët në Australinë Perëndimore.
Automjeti i rëndë që e transportonte ishte larguar nga një qytet 1400 kilometra larg Perthit, me kapsulën që është pjesë e një mekanizmi që në industrinë e minierave, përdoret për të matur dendësinë e mineralit të hekurit.
Por dridhjet e mjetit bënë që të binte nga vrima e lënë bosh nga një bulon gjithashtu i humbur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
