Teksa foli për situatën politike në vend dhe bashkëpunimin opozitar PD-PL, Ilir Meta, i ftuar në "Të Paekspozuarit" në MCN TV, u shpreh se sot më shumë se kurrë opozita është në një situatë më të favorshme.
Sipas tij, ndryshimi në këtë vend është i tradhtuar dhe i vonuar prej kohësh dhe tashmë do të ketë një mobilizim ekstra të opozitës përmes zgjedhjeve dhe protestave.
Ndryshimi në këtë vend është i tradhtuar dhe i vonuar prej kohësh. Ky ndryshim është i tradhtuar, që prej kohës së çadrës, që gjatë çadrës, që në natën e fëlliqur të 14 majit, që më djegien e mandateve që e ndihmuan Ramën.
Tani është më e qartë se opozita është në situatë shumë herë më të favorshme, pavarësisht se Rama përpiqet me përpjekjet e tij, por opozita është shumë herrë më e bashkuar se sa ka qenë shumë herë më parë dhe këtë e tregojnë zgjedhjet e 14 majit.
Pa asnjë diskutim që fitorja e opozitës në 14 maj është shumë e sigurt, në veçanti në Tiranë, Durrës dhe Elbasan.
Do ketë një mobilizim ekstra të opozitës. Ndryshimi do ndodhë me zgjedhje dhe protesta, me protesta dhe zgjedhje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
