Nisi sot viti shkollor 2026-2027 për mbi 340 mijë nxënës, 25 mijë prej tyre në klasë të parë.
MCN Live pasqyroi nisjen nga Elbasani, Shkodra, Durrësi, Vlora, Gjirokastra dhe Korça.
Elbasan/ Entela Duka:
Viti i ri shkollor 2026-2027 nis në qarkun e Elbasanit me ulje të lehtë në numrin e nxënësve që ulen për herë të parë në bankat e shkollës, por edhe me rritje të regjistrimeve në disa prej zonave.
Në Zyrën Vendore Arsimore Elbasan këtë vit nisin klasën e parë 1050 nxënës, 150 më pak.
Pak krahasur me një vit më parë, ndërsa në klasën e dhjetë janë regjistruar 1148 nxënës. Pavarësisht rënies së lehtë të numrit të nxënësve, në territorin e ZVA Elbasan nuk ka shkolla të mbyllura.
Viti i ri shkollor sjell gjithashtu tre godina shkollore tërësisht të reja dhe një tjetër në rikonstruksion. Gjimnazi “Dhaskal Todri”, shkolla speciale “Zëra Jete” dhe shkolla 9-vjeçare e fshatit Shushicë do të presin nxënësit në ambiente të reja dhe kushte bashkëkohore.
Shkodër/ Bendis Druni:
Sezoni i ri shkollor ka nisur me disa problematika të vogla.
Vitin qe shkoi ishin 10800 nxënës ne sistemin publik ku drejtorja e ZVA, shprehet se mbetemi po ne te njëjtat shifra edhe këtë vit.
Duke përmbledhur sistemin publik dhe privat numri i nxënësve shkon rreth 15 mije.
Sipas raportimi nga drejtoria e arsimit, ne qarkun e Shkodrës, në sistemin publik ne klasën e parë janë 780 nxënës ku një vit me pare ishin 800 nxënës te regjistruar.
Klasa e 10 kemi 780 ku një vit me pare ishin 700 nxënës te regjistruar.
Para 1 viti kane qene 120 nxënës te kthyer nga emigracioni ndërsa këtë vit janë 20 te rikthyer nga emigracioni.
Durrës/ Ervina Garo:
Ka nisur edhe në Durrës viti i ri mësimor.
Problematika kryesore mbetet mësimi me turne, pasi nuk ka përfunduar rikonstruksioni ose rindërtimi i këtyre objekteve arsimore, si ai në shkollën “Bajram Curri”.
Në total janë 26 mijë nxënës në total, në klasën e parë ulen për herë të parë 1900 nxënës.
Vlorë/ Arjola Hasanaj:
11 540 nxënës nisin sot vitin e ri shkollor në Vlorë dhe Himarë.
Prej të dhënave të kësaj zyre arsimore Vlore-Himarë numri i nxënësve është me ulje. 47 nxënës më pak se një vit më parë kur në bankat e shkollës u ulën 11587 nxënës.
Konfirmohet se në ZVA Vlorë, se në Himarë nuk ka shkolla të mbyllura apo shkolla që janë bashkuar për këtë vit.
Gjirokastër/ Jonida Qirko:
200 nxënës më pak. Në klasë të parë 218 fëmijë (175 publik, 43 jopublik). Nga klasa 1-9 gjithsej 2.184 nxënës (1.781 publik, 403 privat).
Në të dhjetën 238 publik, 41 jopublik dhe 41 me kohë të pjesshme. Maturantë: 220 publik, 26 jopublik, 32 me kohë të pjesshme.
Korçë/ Elsa Xhindole:
Ka nisur viti i ri shkollor në qarkun e Korçës, me një rënie të ndjeshme të numrit të nxënësve.
Këtë vit janë 680 nxënës më pak në arsimin bazë dhe të mesëm, ndërsa vetëm në klasat e para regjistrohen 52 fëmijë më pak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
