Presidenti turk Rexhep Tajip Erdogan njoftoi këtë të hënë ndërtimin e 200,000 shtëpive në njëmbëdhjetë provincat turke të prekura nga tërmeti shkatërrimtar i 6 shkurtit.
“Asnjë nga ndërtesat nuk do të jetë më shumë se tre ose katër kate e lartë ", tha Recep Tayyip Erdogan nga provinca Hatay, më e prekura nga tërmeti 7.8 ballë që vrau më shumë se 41,000 njerëz në Turqi dhe shkatërroi ose dëmtoi rëndë më shumë se 118,000 ndërtesa.
“Të gjitha ndërtesat do të rindërtohen nga e para në tokë të fortë dhe sipas praktikave që duhen ", këmbënguli kreu i shtetit, duke specifikuar se ndërtimi i këtyre akomodimeve do të fillojë në mars.
Këto banesa do të ndërtohen larg vijave të çarjeve, më afër maleve, për t’u mbrojtur nga problemet që burojnë nga tokat e buta.
Ne do të ndërtojmë Antakian e re, Iskenderun dhe Arsuz. Ne do t'i rindërtojmë ato nga e para.
Ne do të fillojmë t'i transferojmë qytetarët tanë që jetojnë në qytete me tenda dhe kontejnerë në shtëpitë e tyre të reja brenda një viti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
