Vendi ynë do të vijojë të mbetet nën ndikimin e të njëjtave kushte atmosferike edhe gjatë ditës së sotme. Sipas parashikimeve meteorologjike, moti do të karakterizohet kryesisht nga kthjellimet, por nuk do të mungojnë as vranësirat kalimtare.
Gjatë orëve të mesditës, vranësirat pritet të pësojnë zhvillim përgjatë relieveve malore, ku në zona të izoluara mund të gjenerojnë edhe reshje lokale shiu me intensitet të ulët.
Sa i përket erës, ajo do të fryjë me drejtim kryesor nga kuadrati i jugut, me një shpejtësi mesatare prej 7 m/s. Megjithatë, përgjatë vijës bregdetare dhe në zonat luginore, era pritet të fitojë rritje të shpejtësisë, duke arritur përkohësisht deri në 10 m/s.
Ndërkohë, situata në det paraqitet e qetë, ku valëzimi parashikohet të jetë i forcës së ulët, nga 1 deri në 2 ballë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
