Partia Aleanca për Shqiptarët, e cila deri më tani ishte në opozitë, do t’i bashkohet koalicionit qeverisës në Maqedoninë e Veriut.
Vendimi është bërë me dije dje nga Arben Taravari pas bisedimeve disa ditore me kryeministrin maqedonas Dimitar Kovaçevski. Partia në fjalë ka 8 deputetë dhe do të jetë pjesë e koalicionit me LSDM, BDI dhe disa parti të vogla.
Arben Taravari, kryetari i Alencës për Shqiptarët tha se pjesëmarrja e kësaj partie në qeveri ka të bëjë me “ruajtjen e kursit evropian të Maqedonisë së Veriut”.
“Me parimet e platformës për bashkëpunim me Aleancën e Shqiptarëve, të miratuara nga organet partiake, sigurohen të gjitha kushtet për stabilitet politik dhe rritje të efikasitetit të Kuvendit dhe të institucioneve...Pjesëmarrja jonë në qeveri është në funksion të stabilitetit të vendit, miratimit të ndryshimeve kushtetuese dhe vazhdimit të kursit evropian të Maqedonisë së Veriut”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
