Aktivisti Baki Goxhaj është ndaluar këtë të shtunë nga Policia e Vlorës dhe është shoqëruar në komisariat.
Goxhaj ndodhej pranë ambienteve të Pallatit të Kulturës, ku kryeministri Edi Rama po zhvillonte një takim me strukturat e Partisë Socialiste dhe zyrtarë të bashkive Vlorë dhe Selenicë, ku në fokus të diskutimit ishte bashkimi i dy bashkive në kuadër të Reformës Territoriale.
Sipas burimeve, policia kishte informacion se Goxhaj mund të reagonte ndaj kryeministrit Edi Rama në momentin kur ky i fundit do të dilte nga godina, pas përfundimit të takimit.
E pranishme ishte edhe bashkëshortja e Baki Goxhajt, e cila e ka kundërshtuar ndalimin e bashkëshortit të saj, duke u kërkuar llogari Policisë për arsyet e ndalimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
