Presidenti i Serbisë, Aleksandër Vuçiç ka njoftuar se do të japë dorëheqjen nga posti më 27 shtator.
Në një intervistë për një media serbe, Vuçiç tha se menjëherë pasi të japë dorëheqjen ai së bashku me ekipin e tij do të nisin fushatën në çdo vend të Serbisë për zgjedhjet e 25 tetorit.
“Dua t’ju njoftoj se më 27 shtator do të jap dorëheqjen nga posti i presidentit. Atë mbrëmje do t’u drejtohem qytetarëve dhe do t’i falënderoj për mbështetjen. Kam qenë presidenti i Republikës për kohën më të gjatë që nga vendosja e sistemit shumëpartiak në vendin tonë. Këtë nuk do të mund ta bëja pa qytetarët e këtij vendi. E vetmja gjë që mund të them është se i kam shërbyer me besnikëri Serbisë dhe qytetarëve të saj, me përkushtim dhe duke luftuar. Më pas do të shkoj në fushatën zgjedhore të 25 tetorit si një qytetar i zakonshëm”, tha Vuçiç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
