Kryeministri Edi Rama në Kongresin e parë të shëndetësisë njoftoi dje një rritje page me 50 mijë lekë të reja në muaj për çdo mjekë specialist.
Erges Eskiu, mjek logoped, i ftuar në “MCN live”, këtë vendim e sheh si një premtim të kryeministrit Edi Rama.
Sipas tij, niveli i premtimit duhej jetësuar përmes një VKM dhe të analizoheshin format dhe mënyrat e rritjes.
Ai e cilëson si premtim në mesin e shumë premtime për shëndetësinë falas, që sipas tij, nuk u realizuan kurrë.
Kjo është një rritje 480 dollarësh, e cila sipas kryeministrit shkon për mjekët specialistë, ndërkohë që mjekët e përgjithshëm dhe infermierët do të marrin rritje rroge 7%.
Kjo është në nivelin e premtimit, ai nuk është më kryetar opozite para zgjedhjeve dhe po premton se do tua rris rrogat.
Por të kishte një VKM , një vendim, ta shikonim, ta analizonim, kur të shikoheshin të gjitha zërat dhe se si do bëhej kjo shpërndarje, pra një urdhër që të fillonte o në prill o në maj, nuk ka rëndësi.
Jemi qartësisht në një premtim elektoral dhe këtu ka një kleçkë, që fundi i prillit, që i bie rroga e qershorit dhe pasi të kalojë 14 maji, ndoshta edhe e anulon, premtime gjigande, siç ishin 300 mije vende pune, shëndetësi, falas, etj. Ka për të qene gënjeshtër e radhës që nuk ka për tu realizuar.
Mjeku Eskiu, hoqi një paralele me nivelin e pagave që kanë vendet e rajonit.
Sipas tij, teksa mjekët në Kosovë, arrijnë paga deri ne 1200€, në Shqipëri, me gjithë këtë rritje të premtuar, nuk shkojnë as deri në 900€.
Rritja nuk është as në nivelin e pagës mesatare që kanë mjekët në Kosovë. Ata marrin 1200 € këto do të shkoj me rritjen që premtoj ne 900€.
Pra, ne nuk jemi as në nivelin e Kosovës, Malit të Zi, jo e jo, pra jemi sërish të fundit në Ballkan, sa i takon nivelit të pagave të mjekëve, pra edhe këtu bëhet kjo rritje pyesin se a është e arsyeshme që të largohen mjekët, a do të vazhdojë emigrimi masiv i mjekeve, para se të rritje duhet ti pyesim mjekët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
