Autoritetet ukrainase kanë shkarkuar të gjithë drejtuesit e agjencisë doganore të vendit dhe kanë kryer kërkime në shërbimin tatimor shtetëror, në funksion të bisedimeve për reformat midis Kievit dhe Bashkimit Europian.
Shefja e përkohshme e shërbimit tatimor të Kievit, Oksana Datiy, dyshohet për operacione të paligjshme me vlerë më shumë se 15 miliardë hryvnia ose mbi 375 milionë euro.
Një pretendim i tillë del nga deklaratat e kreut të mazhorancës parlamentare, David Arakhamia dhe lajmet e raportuara nga mediat vendase.
Hetuesit ukrainas kanë publikuar foto të aseteve të gjetura gjatë një kontrolli në shtëpinë e Oksana Datiy-t.
Byroja Shtetërore e Hetimeve (SBI) deklaroi se gjeti qindra mijëra dollarë para kesh, si dhe orë dhe makina luksoze, në shtëpinë e Datiy.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
