Nga plazhi i Karaibeve në frontin e luftës si ndëshkim. Është kjo zgjedhja e Maxim Vasilyev, një zyrtar rajonal rus, i cili u përfshi nga polemika për postimin e fotografive nga pushimet e tij të Vitit të Ri nga Meksiaë, ndërkohë që lufta në Ukrainë vazhdon.
Një lajm i tillë raportohet nga Ria Novosti, ku Vasilyev do të korrigjojë gabimin duke shkuar si vullnetar “në zonën e operacionit special” .
Megjithatë, zyrtari rajonal saktësoi për mediat vendase se nuk do të ketë “armë në dorë”, duke shtuar se udhëtimi ishte planifikuar që në vitin 2022.
Polemikat për fotografitë e pushimeve të tij, së bashku me ato të një deputeti tjetër rajonal në Dubai, kanë bërë që guvernatorët dhe autoritetet e tjera të dekurajojnë udhëtimet jashtë vendit nga zyrtarët e zgjedhur.
Shumë përdorues rusë të internetit kishin kërkuar dorëheqjen e Vasilyev si deputet i asamblesë së rajonit të Kurskut, pasi ai kishte publikuar fotografitë e tij në plazh, me një këmishë me lule, përballë një tavoline të mbushur me pije dhe ushqime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
