Stuhia Barbara ka sjellë temperatura të ulëta, ngrica dhe reshje të mëdha bore në Athinë dhe pjesë të tjera të Greqisë.
Veriu i kryeqytetit grek është mbuluar nga dëbora dhe qarkullimi është ndaluar në disa rrugë kryesore.
Pritet që reshjet e borës të përhapen në pjesën më të madhe të Athinës, duke u intensifikuar në mbrëmje edhe në zonat e ulëta.
Anijet janë ndaluar të lundrojnë nga portet e Pireut, Lavrios dhe Rafinës për shkak të erërave që fryjnë 8-9 nga veriu.
Shërbimi zjarrfikës ka paralajmëruar qytetarët që të kufizojnë lëvizjet e tyre.
Një valë ajri nga Arktiku pritet gjithashtu në Itali në orët e ardhshme. Pritet një rënie drastike e temperaturave, të cilat mund të zbresin deri në 10 gradë nën mesataren sezonale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
