Qeveria kineze i është përgjigjur deklaratave të CEO-s së Anthropic, Dario Amodei, i cili ka paralajmëruar se një epërsi e Kinës në inteligjencën artificiale do të përbënte “rrezik serioz” për SHBA-në dhe botën. Amodei ka kërkuar gjithashtu vijimin e kufizimeve ndaj shitjes së çipave të avancuar të AI-së dhe pajisjeve për prodhimin e tyre drejt Kinës.
Ministria e Jashtme e Kinës tha se të gjitha palët duhet të bashkëpunojnë për zhvillimin dhe qeverisjen e AI-së.
“Frikësimi, përballja dhe konkurrenca e egër vetëm sa do të pengojnë procesin e qeverisjes globale të AI-së, gjë që nuk i shërben interesit të askujt”, deklaroi zëdhënësi Guo Jiakun.
Çështja e qeverisjes së AI-së pritet të jetë ndër temat që do të diskutohen nga presidenti amerikan Donald Trump dhe lideri kinez Xi Jinping në takimin e planifikuar për 24 shtator.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
