Sekretari amerikan i Shtetit Antony Blinken u takua me ministrin e Jashtëm rus Sergey Lavrov të enjten për herë të parë që nga fillimi i luftës në Ukrainë më shumë se një vit më parë.
Takimi i shkurtër në Nju Delhi, ku po mbahet një mbledhje e G20-ës vjen në mes të disa prej tensioneve të rritura midis Uashingtonit dhe Moskës në dekada.
Sipas një zyrtari të Departamentit të Shtetit që udhëtonte me Blinken, të dy folën për rreth 10 minuta. Në bisedë, Blinken i bëri thirrje Rusisë që të lirojë amerikanin e ndaluar gabimisht Paul Whelan dhe të rifillojë angazhimin me traktatin e ri Start, marrëveshjen e kontrollit të armëve bërthamore nga e cila Putini pezulloi pjesëmarrjen e Rusisë.
Blinken gjithashtu nënvizoi mbështetjen e SHBA për Ukrainën, sipas zyrtarit amerikan.
“Blinken kërkoi kontakt me Lavrov”, tha Zakharova për CNN. Hera e fundit që Blinken dhe Lavrov u takuan personalisht ishte në Gjenevë, janarin e kaluar, vetëm disa javë përpara se Rusia të pushtonte Ukrainën shkurtin e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
