Kryeministri Edi Rama ka bërë një tjetër ndryshim në përbërjen e qeverisë, duke shkarkuar Besfort Lamallarin nga drejtimi i Ministrisë së Brendshme.
Në vend të Lamallarit, në këtë dikaster do të vendoset Ervin Demo, i cili ka qenë Ministër i Shtetit për Pushtetin Vendor.
Por për kryetarin e Partisë Demokristiane, Nard Ndoka, i ftuar në “MCN Live”, këta emra nuk janë asgjë veçse “vegla qorre” dhe arnime që nuk sjellin ndryshime në qeverisje.
Si e shoh lëvizjen? Arnime këto, nuk janë ndryshime.
Persona që nuk mbajnë peshë, siç ishte ministrja e Shëndetësisë që nuk pranoi të firmoste më tej, kishte fatin e Beqes.
Ndërsa ky tjetri, ministri i Brendshëm, jo vetëm që nuk mbante asnjë peshë, nga fakti që nuk e kishte marrë ngarkesën, por iku pa lënë asnjë lloj gjurme, madje ishte komplet indiferent ndaj rolit të policisë, me faktin se as vetë Rama nuk i kishte ngarkuar asnjë rol.
Rama mbante drejtpërdrejt kontakt me drejtorin e Policisë, dhe ministri i Brendshëm ishte thjesht një kukull.
Sipas Ndokës, e vetmja zgjidhje është vetë largimi i Ramës.
Nuk janë zëvendësime që i sjellin ndryshim qeverisë, e vetmja zgjidhje do të ishte largimi i Ramës, ai është problemi.
Protesta do ta largojë Kryeministrin, këto të tjerat janë vegla qorre të Kryeministrit.
Ky që erdhi është tip militanti i përkëdhelur nga Rama, kështu që në këtë sens shoh një lloj agonie të vetë Ramës.
I janë mbaruar edhe ato qershitë e koshit që i kishte larë me zor.
Në këtë aspekt, është fundi i tij. Mund të themi se në këtë aspekt është fundi i Kryeministrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
